ASEAN ram hna kong

ASEAN timi cu Association of South East Asia Nations ti a si i Asia Nichuah thlanglei ram hna funtomnak bu a si. ASEAN chung ah ai tel mi ram hna cu Myanmar, Lao, Brunei, Indonesia, Philipine, Malaysia,  Singapore, Combodia , Vietnam le Thailand tiin ram hra in dirh mi bu a si.

ASEAN timi bu cu 1967 kum August 8 ah Indonesia, Malaysia, Philipine, Singapore le Thailand ram hna i ramdang lei minister hna Bangkok ah an rak i tong i lungtlintinak min an thut. Cu minthutnak in cun ASEAN timi bu cu a hong sem.

 

 

ASEAN I an tlangtar cu motto cu “One vision, one identity, one community’’ ti  a si i ASEAN chungtel ram hna zatlang lei ah pakhat sinak I hrawm ti khi a sawh.

 

ASEAN timi bu a um chan cu ASEAN charter ning ah chungtel ram hna nih ramkheel lei buaibainak an ton mi I tawlrel pi ding,I bawmhchanh ding. Chungtel ram hna karlak ah I tlukruannak a um nak ding. Chungtel ram hna chawlehthalnak lei ah funtomnak in thathnemnak hmuh cio ding ti bantuk pawl an si. Nuhrin covo I kilkamhkhawhnak, chungtel ram hna chung ah daihnak a umnak hnga. Nuclear le tihnung hriamnak pawl hrial khawhnak ti pawl ai tel.

ASEAN chungtel sinak a sok mi ram cu a tanglei zulhphung hna zohchih in cohlan a si lai tiah ASEAN charter ah ai tial. 1. geography mit in zoh ah Asia nichuah thlanglei ram ah a um mi a si lai. ASEAN chungtel ram hna nih theih pimi ram a si lai. ASEAN Charter a zul kho mi a si lai. Chungtel hna zulhphung a zul kho mi a si lai. Hi zulhphung le sining hna a tlinh mi cu ASEAN chungtel ram ah cohlan a si lai.

 

ASEAN summit timi chungtel ram hna tonnak cu kumkhat ah voihnih an tuah tawn i, hi tonnak hi ASEAN he ai pehtlai mi policy kong ceihnak ah a biapibik mi tonnak a si. Kum chiar te ASEAN chairman a tlai mi ram ah ASEAN summit cu tuah a si tawn.

3 Comments

Leave a Reply

Your email address will not be published.


*