World Bank Group cu zeidah a si

World bank group timi cu vawleicung phaisa tawlrelnak lei bu (financial institutions) hna lak ah a ngan bik mi a si. World bank group ahhin  IBRD timi The International Bank for Reconstruction and Development, IDA timi The International Development Association, IFC timi The International Finance Corporation, MIGA timi The Multilateral Investment Guarantee Agency le ICSID timi The International Centre for Settlement of Investment Disputes timi bu nganmi bu nga an i fun.

 

Hi world bank group nih hin a thangcho lio mi ram hna caah biapi in i hmaithlak in rian a tuan. Hi bu nih ai tinh bik mi cu vawleicung ah sifahnak zorter, rumnak hna i hrawmtii le caansau a ngah mi thanchonnak hna caah riantuan ding timi a si. Ram mi hna phaisa hmuh mi a tlawm mi ram le a laiva thlahlawh a hmu mi ram hna (low-income countries and middle income countries) caah phaisa cawih in an thancho nakhnga a bawmchan tu bu a si.

World bank cu 1944 kum July thla ah an rak dirh i an zungpi headquater cu USA ram Washington DC khuapi ah a um. Hi bu a dirh tu hna cu John Maynard Keynes le Harry Dexter White hna an si i, atulio ah World bank bu pi a hruaitu cu Ajay Banga a si.

World bank bu pi nih hin riantuan mi  project 12,000 leng a kal pi i, a hman mi phaisa hi $45.9B a si. World bank bupi chung ah vawleicung ram 189 hna cu chungtel ah an um. Hi world bank nih a tuan mi project hna lak ah a biapi mi cu vawleicung minung hna nih eidin i za lak le, i khim tein kan hmuh cio nakhnga (food security), vawleicung khuati a hman khawh nakhnga (climate change) ti pawl an si. Chung tel ram hna an rum ning le sifah ning hna tahfung caah cazin (data) tam pi khawmhsuat in ramkip cozah le ramkip in bu dang hna he rian a tuan mi bu a si. World bank nih kum khat ah voikhat annual report an chuah i, hi cazin hi vawleicung ram tampi in cozah le IGO, INGO bu hna nih an i chirhchan mi a si.

 

Be the first to comment

Leave a Reply

Your email address will not be published.


*