KNU President nih SAC ralkap pawl ralrin a pek hna.

SAC ralkap kuttang ah rian a tuanmi ralkap hna KNU kut in thihnak an ton lai caah SAC in mipi lei ah i fonh ding in Pa Du Saw Tony nih ralrin a pek hna.

 

SAC ralkap kuttang ah rian a tuanmi ralkap tampi KNU kut in thihnak an ton lai caah SAC in mipi lei ttang ding in Pa Du Saw Tony nih ralrin a pek hna. Nihin KNU central nih a tar mi video ah Pa Du Saw Tony nih a cunglei bantuk in a chim.

“Hi ralkap kuttang ah rian a tuanmi ralkap hna hi kan mah kut in an thi hrim lai, tuan deuh thih le tlai deuh thih lawng si ko. Cucaah ah kan nih zong nih kan ramchung ah a um ve ko mi, minung ciocio a si mi cu hibantuk thi ding in hmuh kan duh hna lo. Cucaah caanttha a liam hlan ah a hmanmi biakhiahnak neih i mipi lei ah i fonh ding in nawl kan duh hna” tiah Pa Du Saw Tony nih ralrin a pek hna.

Tulio caan ah cun SAC ralkap cu lam a kenkip lo in sunghnak a tonnak kong zong a chimchap.

“SAC ralkap cu lam a kenkip loin a sungh caah harnak fakpi a ton lio a si tihi mipi hna nih kan theih a herh. Hibantuk uktu pakhat nih luatnak lam a kawl lio caan ah mipi hna nih lung i thleng lo le lung dong lo tein dothlennak hi pehzulh in kan lei ah ttang in SAC uknak ttha lo thlak khawh ding tiang in kan doh tti hna lai tiah sawm kan duh hna” tiah Pa Du Saw Tony nih a chimchap.

SAC ralkap hna cung ah dothlennak a tuahtu phu dihlak fonh in a rauh hlan ah fak piin kan doh hna lai i harnak fakpi an tong lai tiah a chim.

Kan nih tlangcung hriamtlai phu a dangdang hna zong nih democracy ngahnak, miphun thleidan lo nak le mah te uk khawhnak hna hmuh nak ding caah ral kan rak tuk peng mi hna cu tuni caan ah 2021 ah SAC nih uknak hramhram a lak hnu ah dothlennak he ai fonh tik ah SAC ralkap hna cung ah a tha a tthawng i ttih a nung taktak mi ral pakhat a si tiah nitin hmuh khawh cang. A raa lai mi caan hna zong ah hinak fak le tthawng in SAC ralkap hna kan doh thluahmah hna la” tiah Pa Du Saw Tony nih a chim.

 

 

 

Be the first to comment

Leave a Reply

Your email address will not be published.


*