Loikaw district biaceihzung mei a kang

Kaya ramkulh Loikaw district biaceihzung ah a um mi kawl ralhrang hna cu dothlennnak phukomh hna nih tuzing November 17 zinglei ah an kah hna hnu ah Loikaw district zung cu mei a kang, tiah theih a si.

Karenni National Defense Force (KNDF) ah ralbawi a tuan mi Khuridu nih cun kawl ralkap hruainak tang ah a rawkral mi biaceihnak zung ai remh nakhnga caah hi ka hmun ah kahdohnak kan tuah hi a si tiah a chim.

“ hi ka district zung ah kawl ralkap le dothlennak phu karlak ah kahdohnak a um. Cu hnu ah zung hi mei nih a kangh. Hi biaceihzung hi kawl ralkap nih hmun an khuar nak a si,” tiah KNDF in tuanvo ngeitu pakhat nih a chim. Tuzuing November 17 ah Loikaw khua ah hmun 5 ah kahdohnak a um i, kawl raklkap nih vanlawng in bomb a thlak len tiah a hmun um mi hna nih an chim. Kawl ralkap nih mizapi ral an zam nak hmun lei ah hriamnam ngan mi in a kah pah leng mang caah leng chuak ngam lo hmun I thial ngam lo in ai tap mi mizapi 10,000 leng an tang rih tiah kan theih.

November 11 ni in KNDF le dothlennak phukomh hna nih kawl ralkap cu kah hram an thok hna I kawl ralkap hmun an khuarnak hmun 9 leng an lak khawh pin ah Loikaw khuapi pawng ah a um mi Loikaw University ah hmun a khuar mi kawl ralkap zong an thio khawh hna.

Be the first to comment

Leave a Reply

Your email address will not be published.


*