SAC ralkap nih lakphaktii dawr tthu mipi minung 13 a kahthah hna.

Madaya peng, Aung Kan Thar khua lakphakti dawr um minung cheukhat cu SAC ralkap nih a ruang um lo in a kah hna caah mipi minugn 13 an nunnak a liam.

Mandalay ramtthen, Madaya peng, Aung Kan Thar khua lakphaktii dawr um minung cheukhat hna cu SAC ralkap nih a ruang um lo in a luh hnawh hna i meithal in an kah hna caah mipi minung 13 an nunnak a liam tiah Mandaya peng PDF lutlai pakhat nih Yangon Khit Thit Media ah a chim.

November 16 ni ah Mandaya peng, Aungkan Thar khua lakphaktii dawr neitu telh in dawr ah a tthu lio mi minung 13 SAC nih a ruang umlo in a thah hna tiah kan theih khawh.

SAC ralkap nih a kahthah mi hna cu lakphaktii dawt neitu U Aye, Daw NiNi Htun, U Han Win htun, U Myint Thu Htun, U Aung Thu, U Htet Kyi, U Maung Nyaing, Daw Win Sein le a dang a tangmi minung 5 hi a ho an si ti theih khawh a si rih lo tiah kan theih khawh.

“ SAC ralkap nih an kah mi minung 8 hna an min cu kan theih cang nain a dang a tangmi 5 tu cu hika khuami si loin khuadang in rian a rak tuan mi an si tiah kan theih. An min cu kan thei kho rih hna lo. An ruak zong tutiang kan char kho rih lo. Khua kiangkap ah SAC ralkap hna an um riah tiah kan theih” tiah Mandaya PDF rianneitu pakhat nih a chim.

Mandaya peng chung ah a ummi SAC sakhan pakhat cu PDF le a dang phu hna nih an kah hna i SAC lei in hliam pu le a thi mi an tam caah In Gyin Myaing ralkap phu nih bawmh ding in a rat hnawh lio Aung Kan Thar khua an phak ah Lakphaktii dawr tthu mipi 13 an kahthah hna nak a ruang a si tiah kan theih khawh.

Mipi hna nih hi bantuk thil a can ti nak hna lo ding caah ah a sual i zangfahnak a ngei lo mi SAC ralkap hna cu a si khawh chung in hrial ding in Mandaya PDF

Be the first to comment

Leave a Reply

Your email address will not be published.


*