Moe Bye khua um mi kawl ralkap sakhan cu dothleng phu nih an lak

Shan ramkulh le Kaya ramkulh aa tlaihnak ah a um mi Moe Bye khua ah a um mi kawl ralkap hmunkhuarnak sakhan cu kan lak khawh i, hriamnam tampi kan lak chih khawh, tiah Moe Bye khua hrambunh dothleng phu nih November 16 ah an thanh.

 

November 11 tein cu ka khua pawng ah a um mi kawl ralkap sakhan pawl cu an lak i, November 15 ah kawl ralkap caah a biapi tuk mi Moe Bye khua ah a um mi kawl ralkap sakhan zong cu an lak khawh.

 

Moe Bye khua hmun a khuar mi kawl ralkap battalion 518 an si. Hi kahdohnak chung ah kawl ralkap nih vanlawng in a bawmh ko hna bu ah sakhan hi an lak khawh mi a si. Kaya ramkulh ah 1111 kahdohnak an thok hnu in kawl ralkap nih Karenni ( Kaya) ramkulh chung ah hriamngan in  voitam tuk a kah caah mipi chung in a nunnak a liam mi zong an um len tiah kan theih.

 

 

Be the first to comment

Leave a Reply

Your email address will not be published.


*