NUG nih tuah mi SDB nih share USD 3 millions leng man an zuar khawh

National Unity Government (NUG ) nih dothlennak caah thathnemnak a ngeih mi phaisa lei tawlrelnak bank ,Spring Development bank (SDB) nih share an zuar mi cu USD 3 millions leng tiang in an zuar khawh tiah kan theih.

 

Hi SDB bank in share cawk hi SDB application in pumpak in cawk khawh a si pin ah SDB nih hmunhma he hoih in tuanvo pek mi agent sin zong in cawk khawh a si. Tutan 3 millions leng tiang an zuar mi ah mah tein application in an cawk mi hi 1 million hrawng a si I, relationship manager (agent) sin in an cawk mi hi 2 millions man a si.

Hi SDB nih share a zuar mi hi USD 10 millions hmuh ding in I tinh in an tuah i, share zuar hram an thoknak a nikhatnak November 17 ni lawng ah 3 millions leng an hmuh caah, an I tinh mi chung in zatuak 30 (30%) cu an hmuh colh ti khawh a si.

 

Hi SDB nih an zuar mi share hi Myanmar ramchung in a cawtu an tambik I, Singapore, UK, Japan le Australia ah a phan mi Myanmar rami tampi zong nih an cawk tiah kan theih.

Be the first to comment

Leave a Reply

Your email address will not be published.


*