Raltuknak ah tlaih a tong mi kawl ralkap cu tha tein zohkhenh ding in UNHCR nih forhfial

Kawlram chung kahdohnak ah tlaih a tong mi kawl ralkap hna cu minung sinak he aa tlak tein zohkhenh ding in United Nations High Commissioner for Refugees (UNHRC) in tuanvo ngeitu nih a chim. Kawl ralkap nih sualnak an tuah mi kong ah ralkap dihlak nih tuanvo an ngei lo caah kahdohnak chung ah tlaih a tong mi hna cung ah lehrulhnak tuah loin tha tein zohkhenh ding in forhfialnak a tuah.

 

Hi forhfialnak bia hi UNHCR in tuanvo ngeitu nih kawl ralkap a do mi dothlengtu phu vialte hna sin ah a chim mi a si. Cu pin ah kahdohnak tuah tik ah ram mi hna himbawmnak cu biapi ah chia in kahdohnak chung ah ramkip nih zulh ding mi international law, cun minung hawicung ah zawnruahnak he aa pehtlai mi upadi (international humanitarian law) hna zong zulh ding in forhfialnak ah a chimchap.

Shan ram chaklei ah October 27 in thok mi 1027 kahdohnak hnu in kawl ralkap chung in November 15 tiang ah hriamnam a chia mi ralkap 326 an si cang. Hi hriamnam a chia mi ralkap hna hi a cohlang tu dothlengtu phu hna nih ral tlaih mi hna zulhphung he aa tlak tein zohkhenhnak kan ngeih ko hna tiah an chim ve.

 

 

 

 

Be the first to comment

Leave a Reply

Your email address will not be published.


*