Yangon ah kawl ralkap nih mipi cu duty an ciah ter hna

Yangon ah November 18 thok in kawl ralkap nih lam ah an hmuh mi pa cheukhat cu an auh hna i lamton zawn le sang uknak zung pawng ah duty an ciah ter hna tiah kan theih.

Yangon ramthen ah a um mi Insein, Hlaing Thar yar, Shwe Pyi Thar khua hna ah kawl ralkap nih hi tin mipi chung in tlaih in duty an ciahter hna hi a si.  A hlei in motor cycle carriers a tuan mi pa pawl deuh hi an tlaih mi hna cu a si. Hi an tlaih mi hna pawl hi zan 12 in zinglei 6 tiang duty an ciahter hna. SAC council nih sang ukbawi hna sin ah hitin hin mipi tlaih in zung humhimnak caah duty ciah ter ding in nawl an pek hna tiah Insein sang uk zung he aa naih mi nih a chim.

 

Sang ukzung pakhat ah motor cycle mawng mi minung 5 cio an auh hna I duty an ciah ter hna hi a si. Cu pin ah hi an tlaih I duty an ciah ter mi hna hi Yangon khuachung sang zeimaw ah kawl ralkap nih an chawh pi hna. Kawl ralkap minung thazang an tlawm tuk cang caah khuapi ah duty a ciah ding an tlawm cang caah tihin mi sawhsawh zong duty ciah ding ah an hman hna hi a si.

Be the first to comment

Leave a Reply

Your email address will not be published.


*