Kyauk Mae peng ah SAC ralkap motor in ralkap thazang a chap hna, Naung Cho lei ah kahdohnak a fak.

Shan ramkulh chaklei, Kyauk Mae khua ah SAC ralkap motor telh in ralkap thazang tampi an rak phan I Naung Cho lei ah kahdohnak a fak tiah khuami hna nih Yangon Khit Thit media ah an chim.

November 20 zaan 9:57pm ah Naung Cho khuapawng ah kahdohnak hna an fak chin lengmang, Kyauk Mae khua um SAC ralkap hna zong nih hriamngan in an rak bawmh hna.

Cu lawng si loin Kyauk Mae khua ah SAC ralkap motor hna telh in ralkap thazang tampi an rak phan i vawlei tang phum mi bomh in an rak hrawh mi Kyin Thi hlei cu remh than ding an I tim tiah kan theih khawh.

“SAC ralkap motor hna cu Kyauk Mae gate an rak phan. A liamcia mi zarh ah vawlei tang phum mi bomb in an rak hrawh mi Kyin Thi hlei cu chikhat ca an remh cuahmah, hlei cung ah hin ralkap minung 200 tluk an um, lamkam a langhlo nak zong ah ai thup mi an um. Kyauk Mae khuachung um SAC ralkap hna zong nih hriamngan in an kan kah lengmang, Kyauk Mae gate zong ah phone, thilri put mi te hna check a tam i a cheu cu an tlaih hna” tiah khuami pakhat nih Yangon Khit Thit Media ah a chim.

Kyin Thi hlei an remh dih cun SAC ralkap motor in Hsipaw, Lashio lei hna ah ralkap thazang chap ding ai tim tiah theih a si.

 

Be the first to comment

Leave a Reply

Your email address will not be published.


*