Shan ram kahdohnak ah mipi 55 an thi i ralzam 80,000 leng an phan

Shan ram chaklei ah kawl ralkap le dothlengtu phu hna karlak kahdohnak ruang ah ram mi minung 55 an nunnak a liam cang i ral ruang ah inn a chuah tak mi minung 80,000 leng an si cang tiah  Shan ram sianghleirun bu a si mi (Tai Students’ Union – TSU) nih an thanh.

 

“1027 kahdohnak chung ah ram mi a nunnak a liam mi hi an zapi te ah 55 an si cang hi tin rammi an thihnak khua hna hi Shan ramkulh chaklei khua hna ah an si. Hi tin ram mi an thih  mi hi vanlawng in kah ruang ah le hraimngan in kah ruang, vawlei tang phum mi mine bomb hna le kaddohnak chung ah a thi mi hna an si” tiah a chim chap.

Cu bantuk in 1027 kahdohnak ruang ah kahdohnak hmun ah a um mi ram mi tampi zong umnak hmun chuah tak in a himnak hmun ah an tli zam cio. October 27 in November 19 tiang ah Shan ram chung ah kahdohnak ruang ah a innlo a chuah tak mi ram mi minung 80,000 leng an si cang tiah an langhter chap.

 

Hi bantuk in Shan miphun chung in harnak a phunphun a tuar mi ralzam hna caah Shan ramkulh sianghleirun bu TSU nih an tikhawh tawk in bawmhchanhnak an tuah nak kong zong an chim chap.

Be the first to comment

Leave a Reply

Your email address will not be published.


*