Dawei pengkomh ah palek sakhan kah a tong

Taningtharyi ramthen Dawei peng ah a um mi Myitta khua ah a um mi palek sakhan cu November 23 zinglei ah dothlennak phukomh PDF hna nih an kah tiah kan theih.

 

“ Zingkhuan in kahdohnak thawng a hong thang. Khuami a zam mi nih zam, aa thup mi nih I thup in kan um dih. Nufa hna pahnih belte hriamngan nih a puah hnawh hna caah an nunnak a liam” tiah khuami pakhat nih a chim. A thi mi nu cu kum 30 a si mi Daw Mi Pu le a fap akum 10 hngakchia te an si. Kahdohnak chung ah kawl ralkap nih an kah mi hriamngan nih a tlak hna caah an nunnak a liam hi a si. A nu cu kahdohnak hmun ah bomb nih a tlak caah a thi colh, a fapa belte sizung kalpi ding in timhtuah cuah mah lio ah a thi tiah an chim.

Dawei kiangkap ah dothlennak a tuah mi PDF in chungtel pakhat nih “zing ka tein hi sakhan hi kahnak kan tuah. Kahdohnak cu a fak ngai. Asinain an sakhan lak ding tiang in cun kan hriam nih a tlinh lo caah kahdohnak in kan daih ter chung” tiah a chim.

 

 

Be the first to comment

Leave a Reply

Your email address will not be published.


*