Kalaymyo peng ah PDF nih kawl ralkap sakhan an lak than

Sagaing ramthen kalaymyo thlanglei ah a um mi Yangyiaung sakhan cu dothlennak phu PDF hna nih November 23 zinglei ah an lak tiah kan theih.

Hi kahdohnak ah kawl ralkap nih an hmantawn mi vanlawng in bomb an thlak caah kaphnih thihloh le hliamtuar an um. PDF lei nih kawl ralkap hriamnam ceilak an lak khawh tiah kan theih.

 

“November 21 tein kahdohnak kan thok cang. Kawl ralkap nih vanlawng in bomb voithum a hong thlak. Kaphnih hliamtuar mi zong kan um. An meithal zong ceilak kan lak khawh ve. An sakhan kan kahnak a nithumnak ni zing November 23 zinglei ah a sakhan ning in kan lak khawh hi a si” tiah PDF lei in tuanvo ngei tu nih a chim. Hi kahdohnak le sakhan laknak kong ah kawl ralkap lei in zei bantuk thawngthanhnak hmanh an tuah rih lo.

 

Cun kalaymyo thlanglei thiam ah a luancia November 4 lio ah PDF nih kawl ralkap he a tang ti mi palek sakhan an rak lak cang fawn. Tutan an lak mi Yangyi aung sakhan he hin cun PDF nih kalaymyo pawng ah kawl ralkap sakhan an lak mi sakhan 4 a si cang tiah kan theih.

 

 

1 Comment

Leave a Reply

Your email address will not be published.


*