SAC cu pressure pek chin ding in NUG nih Japan ram a forhfial

Japan ram a phan mi NUG minister Daw Zin Mar Aung nih Japan ram nih Kawl ralkap SAC cu pressure fak deuh in pek ding in forhfialnak a ngeih hna.

Daw Zin Mar Aung cu November 21 ah Japan ram hluttaw pahnih in palai hna he tonnak a ngeih lio ah a tubantuk in SAC cozah pressure pek a herhnak kong a chim hi a si. Cu pin ah kawl ram chung ah ralzam tampi nih harnak an ton mi cung ah minung hawi cung ah zawnruahnak in bawmhnak pek (humanitarian assistance) chin ding in bawmhhalnak zong a ngei chih.

Hi tonnak ahhin Kawl ram tuanbia a cang cang mi le kawlram nih an ton lio mi le kawl ram ramkheel hmailei ah a cang kho mi kong hna ceihkhan nak an ngei. Cu pin ah atu kawlram ah khuapau dothlennak nih Myanmar ram democracy le federal system ah kan luh khawh nakding ah a biapit tuknak kong zong a chim chih. Kawl ram ah a cozah ai thlennak ding lawng si lo in ramkhel zulhphung pollical system tiang in thlennnak a chuah nakhnga dohtlennak kan tuah mi a si tiah a chim.