Taungyi ah tuah mi Tasaungdaing puai a hlunhlai khawh nakding ah siangngakchia pawl hramhram in an tel ter hna

Taungyi khua ah tuah mi Tasaungdaing puai a hlunhlai khawh nakding caah tiin kawl ralkap nih sianginn pakhat nih siangngakchia 200 cio rak tel ter ding in nawl an chuah tiah kan theih.

 

“ Taungyi khua mi nih an tih caah 100 ah 99 nih cun hi puai hi an hrial. Nizan kha siangngakchia 1200 le kawl ralkap nih man phalh in an hlan mi hna vial nih puai cu an zawh” tiah khuami pakhat nih a chim. Taungyi ah kawl ralkap hrihawh nak in tuah mi Tasaungdaing puai cu zawh cio ding in khuakip ah loud speaker in an au tiah a chim chap.

 

Cu tin kawl ralkap nih an au ko bu ah “ voidang ah cun minung an khah tuk ah lam kalnak zong a tha tawn lo, thil zuar tu zong a khat in an khat tawn. Tukum belte dawr hmanh tlawmte lawng an on. Cun a zawh tu zong voidang hmai ah cun an zor tuk ngamsam” tiah khuami nih a chimchap.

Kumdang ahcun puai hon ni ah minung an tam pin ah puai hi zinglei 4 lo le zinglei 5 lawng ah a dih tawn mi tutan cu zan 10 hrawng in puai an dih ter. Cu pin ah kawl ralkap nih mi lemnak ah an hman caah hohmanh nih an kal duh lo nak hi a si” tiah a chim chap.

1 Comment

Leave a Reply

Your email address will not be published.


*