Thailand nih Myanmar ram mi 75 cu Myanmar ram ah an rak kuat than hna

Thailand ram thlang lei ah thong a tla mi Myanmar ram mi minung 75 cu Yanaung- Kawtaung lam lei in Thailand cozah nih kawl ram ah an rak kuat than hna tiah kan theih.

 

Hi thong a tla mi hna hi Kawtaung khua lei in November 20 ah Thailand cozah nih an rak kuat than mi hna a si tiin MWRC bu nih an thanh.

 

“ Thailand cozah nih kawlram lei tuanvo ngei tu an rak pehtlaih hna i a ruang tam pi ruang ah thong a tla mi hna cu November 20 ah an rak kuat than hna hi a si. Hi an rak kuat mi hna ah hin nu 19 le pa 56 an zapi te ah minung 75 an si. Kum 18 a tling rih lo mi minung 3 an si. Covid an chek hna hnu ah an chungkhat le sin cio ah an kuat hna” tiah MWRC bu in pakhat nih a chim.

Hi hna pawl hi Thailand ram ah phung ning lo in a lut mi le an riantuannak rianngeitu nih phunng ning lo in rian an fial hna ruang ah thong a tla mi an si tiah a chim. Atubantuk in kawtaung lei in Thailand nih Myanmar ram mi an rak kuat than mi hna hi a hlan ah cun thlakhat ah voihnih in kawlram cozah nih an cohlan tawn nain tupin cu thlakaht ah voikhat lawng an cohlan cang tiah kan theih.

Be the first to comment

Leave a Reply

Your email address will not be published.


*