Yangon ramthen ah drone zuar le hman an khap

Kawl ralkap nih Yangon ramthen ah Drone zuar lo ding le drone zuanter lo ding in nawl an chuah tiah kan theih.

 

Hi tin drone an khap mi hi Yangon ramthen SAC nih an khap mi a si i November 18 thok in an khap hi a si tiah Yangon khuachung sanguk bawi pakhat nih a chim. Hi kong he pehtlai in mah le sang uk bawi cio nih Yangon ramthen khuakip ah Drone hman lo ding, zuar lo ding, cawk cia mi zong I chiah lo ding le drone he aa pehtlai mi thil hrimhrim hman lo ding in nawl an chuah hi a si.

Kawl ralkap nih PDF pawl nih drone in kah lai an phan caah tubantuk in an khap mi hi a si kho men tiah Yangon ramthen Kyauktata khua ah camera he aa pehtlai mi thil pawl a zuar tu pa nih a chim. “Tukar hrawng thawngpang ah PDF nih kawl ralkap cu drone in bomb an thlak hnawh hna ti peng a si ko. Cucaah drone in bomb thlak hnawh lai phan ah atubantuk in an khap mi a si ko lai. Kan mah dawr nih kan zuar mi drone te hna cu Bomb chim lo arti hmanh a phur kho lo ding mi hmanthlak le video thlaknak lawng ah hman mi pawl a si nain zuar lo ding in an kan ti” tiah a chim chap,.

Be the first to comment

Leave a Reply

Your email address will not be published.


*