Pakokku sakhan in palek pakhat G 3 meithal, kuan hna he ai surrender i Kyat sing 80 laksawng an pek

October 30 ah Magway ramthen, Pakokku sakhan ah hmunhma a lami palek pakhat cu G3 meithal pakhat, Kuan bawm 4, kuan 127 hna he hriamnam pek in dothlennak phu hna sin ah a rak I surrender. Cu caah Southern YSO PDF nih lunglawm tein an rak cohlan i lunglawmhnak laksawng kyat sing 80 an pek, cu hnu ah palek pa a um duhnak hmun ah him tein an chiah cang tiah kan theih khawh.

A rak I surrender mi palek pa nih a mah leikap in SAC ralkap kuttang ah riantuan a duh ti lo I, a biapi in SAC ralkap hna nih mipi hna cu a ruang um lo in an thah mi hna, mipi umnak inn lo le thil ri mei an khangh mi hna le hramhram in uknak a latu hna kuttang ah riantuan a duh lo nak tibantuk a duhlo mi a ruang tampi ruang ah mipi lei ah rak i fonh in ai surrender mi a si tiah kan theih khawh.

Southern YSO PDF lei in hriamnam he siseh taklawng in siseh a rak i surrender duhmi SAC ralkap hna le palek hna cu lunglawm tein kan in cohlan peng hna i, a rak I surrender mi hna zong lunglawmhnak laksawng pek khawh peng ding in mipi lei zong in tampi bawmh ding in tuanvo ngeitu pakhat nih a thanh.

 

 

Be the first to comment

Leave a Reply

Your email address will not be published.


*