Rakhine ramkulh ah Sianginn 1200 tluk cacawng lo in an i din

Rakhine ramkulh fimcawnnak zunglei cazin ning ah November 24 tiang ah Rakhine ramkulh chaklei khua a si mi Pauk Taw, Yathetaung, buthitaung, Pohnagyun, Minpia, Myauk Oo le Kyauk Taw khua hna ah kahdohnak a fah caah siang inn 1200 leng cu cacawng lo in an I din tiah kan theih. Hi pengkomh hna chung ah hin sianginn 1800 hrawng a um i, 1200 leng an I dinh caah sianginn 600 hrawng lawng ah ca an cawn khawhnak hmun a si tiah kan theih.

“ Rakhine ramkulh chaklei ah sianginn 1800 a um mi chung ah 600 hrawng lawng ah sianginn an kai. A tangmi 1200 hrawng cu sianginn ai khar. Sayate nih sianginn khar ding in kan ti mi a si lo. Siangngakchia an nu le an pa nih kahdohnak a um chung cu an fa le siang inn kai an senh hna lo. Sianginn a hong kai mi hngakchia an um lo caah sianginn cu ai kharnak a si.” Tiah Rakhine ramkulh chaklei ah sianginn cachim a tuan mi pakhat nih RFA ah a chim.

Rakhine ramkulh cheukhat khuate ah kawl ralkap le AA an I kap caah a khuapi ning in chuah tak mi khua zong an um caah tubantuk in siang inn an khar hna nak hi a si. November thlachung lawng ah Rakhine mizapi chung in ralzam dirhmun ah a hong I chap mi milu hi 26000 leng an sic aah Rakhine ramkulh chung ralzam dihlak 90,000 leng an si cang tiah kan theih.