Lauk Kai ah a um mi tuluk ram mi poh Lauk Kai chuahtak zok ding in China Embassy nih an thanh

Shan ramkulh chaklei ah a um mi Lauk Kai khua chung ah rian a tuanĀ  mi Tuluk poah nih a rannak bik in Lauk kai chuahtak ding in Yangon ah a um mi China Embassy nih November 24 ah an thanh.

 

Lauk Kai khua pawng ah kahdohnak a fah caah tuluk ram mi caah tihnung dirhmun a si caah a rannak in chuah tak a tha tiah an tinak hi a si. Kawl ram kong ambassador a si mi Chen Hai le kawl ram ramleng lei minister U Than Swe cu November 23 ah tonnak an ngei. Hi tonnak ah kawlram le tuluk karlak ramri ah daihnak a um nakhnga le phung ning in ram uk khawh nak kong an ceih tiin SAC lei media nih an thanh.

Cu tlawmpal ah tuluk cozah lei nih a him lo caah Lauk kai ah a um mi nih Lauk Kai chuahtak zok ding in an thanh hi a si. Tuluk palai le kawl ram ramleng lei minister an I ton ni ah kawlram le tuluk ramri ah chawlehthalnak sakhan a kang i thil phur mi motor 100 leng a kaang dih tiah kan theih.

 

Mah motor a kang mi hi MNDAA le TNLA nih an kah mi ruang ah a si tiin kawl ralkap nih an puh hna nain, MNDAA le TNLA nih kanmah kah mi a si lo, kawl ralkap kah mi a si tiah an ti ve.

 

 

 

 

Be the first to comment

Leave a Reply

Your email address will not be published.


*