November 27 ah ram pumpi a huap mi kahdohnak kan tuah lai tiah chaklei dothlennak tangti phuthum nih an thanh

A ralai mi November 27 ahcun rampi a huap mi kahdohnak (nationwide operation) kan tuah lai tiin November 24 ah dothlennak phuthum fonh, MNDAA, TNLA le AA nih an thanh.

Ram pumpi ah a um mi dothlennak phu vialte pumpak vialte kan I tel lawng ah kawl ralkap a hram in kan bongh khawh ding a si caah ram pumpi bu kip nih dothlennak ah I tel cio ding in forhfialnak zong an tuah. Hi dothlennak phuthum nih an I timh mi ramkhel kong tlamtlinnak ding ah kahdohnak fak chinchin in an tuah lawng si lo in kawlram pumpi ah a um mi dohtlennak phu dang hna he zong kahdohnak tuah ti ding in timhtuahnak an ngei tiah kan theih.

Hi dothlennak 1027 kahdohnak hi MNDAA, TNLA le AA hna nih an thok i, MDY PDF, BPLA le PLA hna zong nih hi phuthum he hmun khat ah kawl ralkap an tuk ti hna tiah kan theih. Hi 1027 kahdohnak min in kawl ralkap sakhan an kah mi ah thlakhat deng caan chung ah sakhan 170 leng an lak khawh cang tiah kan theih.