Kyauk Mee le Kokang ah a um mi kawl ralkap sakhan pahnih cu MNDAA nih an lak

Shan ramkulh chaklei Kyauk Mee le Kokang peng ah a um mi kawl ralkap sakhan pahnih cu Kokang hriamtlai MNDAA nih an lak i battalion 79 in ralbawi pa zong cu kahdohnak ah a thi tiah kan theih.

November 26 ah Shan ramkulh Tongshan khua pawng ah hmun a khuar mi kawl ralkap sakhan cu MNDAA nih an kah I minute 17 chung te ah a sakhan ning in an lak khawh tiah kan theih. Cun November 27 zan ah Kyauk Mee le Lashio pawng ah a um mi High Point ah hmun a khuar mi kawl ralkap sakhan cu MNDAA le TNLA phukomh nih an tuk I a sakhan ning in an lak chap tiah kan theih.

Cun November 26 kahdohnak ah Monekoe peng Longkhaing khua pawng kahdohnak ah Battalion 79 in ralbawi pakhat cu kahdohnak ah a thih pin ah kawl ralkap pahnih zong  hliamhma he kan tlaih khawh tiah MNDAA nih an thanh. November 26 lawng ah MNDAA nih kawl ralkap sakhan 4 ah drone in bomb an thlak hnawh hna I kahdohnak zong an tuah tiah kan theih. MNDAA nih kawl ralkap sakhan an lak mi dihlak hi 178 a si cang tiah kan theih.