North Okkalapa ah kawl ralkap hmun an khuarnak sianginn cu vawleitang phummi bomb in an puah 

November 30 zaan suimilam 7 tluk ah Yangon ramthen, North Okkalapa peng kawl ralkap hna hmun an khuarnak BEH-3 sianginn cu North Okkalapa PDF hna nih vawleitang phummi bomb in voithum tiang bomb an puah i kawl ralkap lei in hliamhma a pu mi an um le um lo fiang in kan thei kho lo, PDF phu hna hliamtuar lo tein an chuak than kho tiah kan theih.

“Yangon khuapi chung ah a ummi kawl ralkap hna har an tuar chinchin lai. Zeitik, zei caan, zei tin dah a rak chuak tiah theih lo mi meithal kuan hna an tuar tluahmah lai. Yangon hi a dai lai lo. Khuachung kahdohnak ah Yangon PDF hna, UG hna an cawl cuahmah cang lai. Dawnkhan tu hna mithmai zoh in kan um ti lai lo. Kahdohnak a fak cang lai” tiah Yangon PDF in tuanvo nei tu pakhat nih a chim.

Kawl ralkap hna nih a tu hrawng Yangon khuachung ah chun, zaan in an I chok i mi an check tiah kan theih.

 

 

2 Comments

Leave a Reply

Your email address will not be published.


*