Kokang peng ah kawl ralkap nih hriamngan an kah ruang ah mipi minung 2 an nunnak a liam

November 30 ah kahdohnak zong umlo in NanHtanMing tlang ah hmun a khuarmi kawl ralkap nih hriamngan in voi 10 an kah i Shan ramkulh chaklei, Kokang peng, NanKaw khua ah a tlak caah khuami minung 2 an nunnak a liam i minung pakhat hliam a tuar tiah The Kokang nih a chim.

 

Atu lio ah cun NamKaw khuami hna cu ramlak ah himnak kawl in an zaam i khuami tlawmpal te lawng khuachung ah inn an hngak. Cu lawng si loin zaan ah kawl ralkap nih vanlawng in NamKaw khua cu bomb a thlak i inn 3 a rawk tiah kan theih khawh.

1027 kahdohnak an tuah chung vialte kawl ralkap pawl hi Shan ram chaklei ah faktuk in an sungh caah teirulchamnak caah mipi umnak innlo hna, sianginn hna cu an i sel in an kah hna. Culawng si loin Kokang peng chung khua pakhat zong ah kawl ralkap nih a ruang um loin hriamngan an ruahdamh in an kah caah mipi minung 38 an nunnak a liam i minung 14 hliam an tuar tiah kan theih khawh chap.

Be the first to comment

Leave a Reply

Your email address will not be published.


*