Pakokku peng, kawl ralkap battalion-101 sakhan cu rocket in an kah i kawl ralkap minung 4 nak tlawmlo an thi

Magaway ramthen, Pakokku peng, kawl ralkap battalion 101 sakhan cu November 30 ni ah khan dothlennak phu hna nih rocket pahnih in an kah i kawl ralkap sakhan chung an hriamnam chiahnak inn cung ah a tla i kawl ralkap minung 4 nak tlawm lo an thi hliamtuar mi an tam tiah Burma Revolution Rangers phu tuanvo neitu pakhat sin in kan theih khawh.

“A hramthok ah cun rocket 6 hrawng kah ding an i tim, kan thilri ah tlamtlin lonak a um caah pahnih lawng kan kah i kan rak kir than. Pahnih lawng kan kah ko nan kan vantha I hmunhma tha ah a tla. Battalion 252, 251 le 235 hna hi battalion-101 kuttang an si i sakhan chung ah i neih tein an um hna. Cu hna lei zong ah rocket a hme deuh mi pahnih kan kah ve” tiah Burma Revolution Rangers phu in tuanvo nei tu nih a chim.

 

Cu kahdohnak a dih hnu zaan ah battalion-101 sakhan chaklei um Letpankan khua um khumi hna cu khuapi te hrial ding in kawl ralkap battalion-101 nih an rak fial hna i LetpanKan khua chaklei ah an i thup i motor pakhat in kawl ralkap minung 30 tluk cu an raa i ChaukKan khuachung ah an lut tiah kan theih khawh.

Be the first to comment

Leave a Reply

Your email address will not be published.


*