Ye Peng Yephyothaung khua ah mei a kang

Mon ramkulh Ye peng chung ah a um mi Yephyothaung khua ah December 2 zinglei suimilam 11 hrawng ah mei a kang, tiah kan theih.

 

Ngwephyothaung sang lei in meikangh hi aa thok I chun tiang ah mei phalh kho lo in mei kangh tu a fak chin chin, tiah khuami nih a chim. Khuachung a lai ah a um mi Sanguk zung pawng tiang mei a kang cang. Khuachung inn pakhat le pakhat an I neih tuk caah a tlaih dih mi a si. Atutiang hi inn 15 hrawng a kaang cang. Khuachung meithat pawl nih mei cu an thah len ko nain an daihter kho rih lo tiah mah khuami nih cun a chimchap.

Mah Yephyothaung khua hi Ye Khua he meng 7 aa hlatnak ah a um mi a si. Rili ah nga tlaih in a paw aa cawm mi khuami an si I hmun tampi in pawcawmnakl caah ruat in a rak pem mi hna an tam ngai nak khua a si tiah kan theih. Tutan inn a kangh mi hi kahdohnak zong um lo in a kang mi a si I khualai tiang meikangh nih a phak caah khuachung ah dawr thil a zuar mi vialte zong nih an dawr thil an chuah ve hna tiah kan theih.

Be the first to comment

Leave a Reply

Your email address will not be published.


*