Drone khamnak Jammer ai bunh ko bu ah Drone in kawl ralkap ralbawi pa inn an kah

Myanmar ram uknak ralkap nih an lak hnu  ah kahdohnak a um tuk lem lo nak hmun Mon ramkulh ah a um mi Nichuah thlang lei tainghmu ralbawi a umnak inn cu dothlennak phu hna nih  drone in bomb an thlak hnawh than tiah kan theih.

 

Mah taing hmu ralbawi pa a umnak inn hi a luancia caan ah drone in bomb an rak kah cang mi a si. An kah hnu ah a inn cu a remh dih pin ah drone a kham kho mi jammer pawl a bunh tiah theih a si. Hi tin drone a kham kho lai tiah a ruah mi jammer a bunh ko bu ah a inn ah dothlennak phu hna nih drone in bomb an thlak hnawh than tiah kan theih.

Mon ramkulh ah a um mi dohthlennak phu hna nih a luancia caan ah mah taing hmu a inn lawng si loin Mon ramkulh chief minister a inn le palek sakhan tibantuk kawl ralkap caah a biapi mi an umnak inn le hmun le zung pali ah bomb an rak thlak hnawh cang hna. Mah hnu ah taing hmu a umnak inn hi an thlak hnawh than hi a si.

Be the first to comment

Leave a Reply

Your email address will not be published.


*