Katha khua ah cozah riantuan mi 100 leng nih CDM an tuah, ralkap le palek 40 leng nih hriamchia in mipi sin an I fonh

Katha khua ah cozah riantuan mi 100 leng nih CDM an tuah, ralkap le palek 40 leng nih hriamchia in mipi sin an I fonh.

Sagaing ramthen Katha khua ah kawl ralkap kut tang ah rian a tuan mi cozah riantuan minung 100 leng nih kawl ralkap kaltak in CDM an tuah, cu pin ah ralkap, palek le thonginn cong mi chung in minung 40 hraawng zong nih hriam chia in mipi sin ah an I fonh tiah kan theih.

Sagaing ram then ah hram a bunh mi dothlennak phu hna nih CDM a tuah rih lo mi kawl ralkap kuttang ah rian a tuan mi vialte nih kawl ralkap kaltak in mizapi sin ah I fonh ding in nawl peknak ca voi hnih an chuah hnu ah hi zat zat nih CDM an hong tuahnak hi a si. CDM a tuah rih lo mi riantuan tu zeimaw zat zong Katha khua ah an um rih tiah kan theih. Dothlennak phu hna nih CDM a tuah lo mi cu kahdohnak a fah tik ah tuanvo lak an si lai lo tiah an rak thanh caah an thin a phang I tu tantuk in CDM an hong tuah cio nak hi a si.