Kawl ram ah kawl ralkap pawl an sungh ngai cang caah ram inn pa Thailand ah zamnak an kawl len tiin biachok vai a chuah lio ah kawl ralkap ralbawi pakhat cu Thailand ram ah Visa a hong I tuah hi a si.
Mah Thailand ram Bongkok I immigration zung ah visa a rak I tuah mi kawl ralkap ralbawi pa hi Bohmukyi thuam he Thailand ram visa tuahnak zung ah a rak rat hi a si. Kawl ram ah ralkap pawl nih ramchung ah a him ti lo an tic aah Thailand ah inn hmun le inn an cawk pin ah visa an hong I tuah hi a si.
Thailand ram ah phaisa tam pi a pe kho mi caah caan sau visa cu an tuah piak hna. Cu visa cu Elite visa ti a si I phaisa an pek khawh ning hoih in Thailand ah caan sau um khawh nak ding caah visa an pek mi hna a si. Kawl ram ah ramkheel lei thlennak a um tik ah nun himnak caah rianrang in Thailand rak rat khawh nakding ah kawl ralkap ah a cunglei bawi deuh poh nih mah Elite visa hi an rak I tuah cio tiah kan theih. Elite visa hi a tlawm bik kum 5 um ding in sok a si I kum nga caah Thailand phaisa ting 9 pek a hau tiah kan theih.
Leave a Reply