Kawl ralkap nih ralkap thar khawmh an timh

Myanmar ram chung ah kawl ralkap nih uknak an lak hnu in Tlangcung miphun hna umnak ramkulh hna ah Tlangcung hriamtlai he kahdohnak a fak. Anmah kawl pawl umnak ram rawn ramthen cheukhat lila ah kawl cozah a do tu PDF an karh chin. Kawl ralkap cu nikhat hnu nikhat in sungh zatlak nak an phan thluahmah.

Kawl ralkap cu an sungh tuk caah an ralkap a thi lo mi an tam. Cun hriamtlai sin ah aa ap mi CDM a tuah mi ralkap an tam. Kawl ram uknak an lak hnu ah kawl ralkap a zorchuk mi hi zatuak in 45 (45%) hrawng a si lai tiah an ruahdamh. A hlei khun in kum chiar te Kawl ralkap university 3 ah sianginn aa ap mi siangngakchia thar a thong leng an si tawn mi kha ralkap nih uknak an lak hnu cun sianginn luh nak a sok thar mi an um ti lo tluk in an tlawm.

 

Hi tin kawl ralkap an thazaang an zor cang caah kawl ralkap an hruaitu hna nih ralkap chungtel thar khawmh suatnak ah heh tiah an I zuam. Battalion pakhat nih thlakhat ah ralkap thar pakhat rate in kumkhat ah battalion pakhat nih ralkap thar 12 cio khawmh chap ding nawl an chuah. Hi tin an I timh caah Yangon tibantuk ah cun pa tlangval deuh zan tlai hnu aa chok mi cu an tlaih hna I kawl ralkap ah an luh ter hna tiah kan theih.

Be the first to comment

Leave a Reply

Your email address will not be published.


*