Lauk Kai ah aa tap mi Thailand ram mi 80 cu an ram an kuat cang hna

Myanmar ram shan ramkulh chaklei ah a um mi Lauk Kai khua ah rian a tuan I kahdohnak ruang ah chuak kho lo in aa tap mi Thailand ram mi 80 leng cu December 4 ah Bangkok ah vanlawng in an kuat khawh cang hna, tiah kan theih.

 

Yangon ah a um mi Thailand Embassy nih a biapi mi ministry hna le ramdang embassy hna he ii fonh in an tawlrel tii hnu ah a tu bantuk in an ram mi Thailand ram mi harnak a tong mi cu an khamh khawh hna hi a si tiah Malay Mail nih a chim.

Thailand ram ah hram a bunh mi Lion Air timi vanlawng cu a ning pi in an hlan hnu ah an khamh mi Thailand ram mi pawl an ram chung an luh khawh nak ding caah a herh mi tuah ding vial te cu palek he I bawm in an tawlrel piak hna hnu ah Bangkok ah an kuat hna hi a si. Hi an khamh mi hna chung ah mizeidah hramhram lo in riantuanter mi an si I mizei hi dah thatlonak tuahnak ah aa tel timi vialte cheknak kan ngei lai tiah Thailand cozah nih an thanh.

Be the first to comment

Leave a Reply

Your email address will not be published.


*