Phungning loin Myanmar ah a lut mi tuluk miphun pawl cu tuluk ram ah kan kuat than hna tiah kawl ralkap nih an thanh

Myanmar ram chung ah phung ning loin passport ngei lo in kawlram ah a rak lut mi Tuluk miphun pawl cu tuluk ram ah kan kuat than cuahmah hna I December 3 ah minung 168 zong kan kuat rih hna tiah kawl ralkap SAC nih an thanh.

 

Tutan tuluk ram ah an kuat than mi tuluk miphun pawl hi passport le visa tel lo in ramri in Myanmar ram ah an rak lut caah kan tlaih hna I an ram ah kan kuat than hna tiah Zaw Min Htun nih SAC kut tang ah a um mi Media sin in a chim. Cu pin ah tuluk le Myanmar cu ram innpa kan si bantuk in ramri kong ah siseh, upadi zulhkhawhnak ding kong ah siseh cozah pakhat le pakhat kan I bawm. Cu lawng si lo in Shan ramkulh chaklei ah a um mi kahdohnak nih tuluk le Myanmar pehtlaihnak le chawlehthalnak hna a hnawh caah a cozah nih tawlrel ding in kan I zuam cuahmah tiah a chim chap.

 

Atubantuk in ramri in phung ning loin Myanmar ah a hong lut mi hna hi upadi ning in tazacuai khawhnak ding caah an mah he aa pehtlai mi an cozah sin ah kan kuat hna I kan tawlrel ter mi hna a si tiah a chim chap.

 

3 Comments

Leave a Reply

Your email address will not be published.


*