BPLA nih ralkap chungtel thar an khawmh

Shan ramkulh chaklei ah MNDAA, TNLA le AA hna nih 1027 kahdohnak an tuah lio ah a si khawh tawk in kawl ralkap a do ve mi BPLA nih ralkap chungtel thar an khawmhnak  kong an thanh.

 

BPLA cu Burma People Liberation Army ti an si I kawl ralkap biatak tein a do ve mi bu an si. BPLA nih ralkap thar an khawmh mi hi chekhlatnak lei department nih an zohfel hnu ah aa tlak ko timi cu chungtel sinak kan pek hna lai tiah an chim.  Cun tutan ralkap thar an khawmh mi hi battalion pakhat tluk hrawng cu kan cohaln khawh chap ko lai tiah an chim chap.

 

Mah ralkap thar an auh mi hi ralkap training an kai ter hna lai I a tlawmbik thla thum cu training kai a si lai tiah an thanh. BPLA nih ralkap training an pek hi tutan he cun a voi ruk nak a si cang lai tiah kan theih. Mah BPLA bu hi MNDAA, TNLA le AA hna he hmun khat te ah kawl ralkap tuknak ah aa tel ve pin ah Karen ram KNU hmunhma ah kawl ralkap tuknak zong ah biatak tein an cawlcang ve tiah kan theih.

Be the first to comment

Leave a Reply

Your email address will not be published.


*