Hriamnam tlaihnak in si lo in ramkheel lam in buainak phisin ding in kawl ralbawi Min Aung Hlaing nih a chim

December 4 ah SAC pawl cu meeting an tuah i cu meeting ahcun kawl ram chung ah dothlennak phu hna nih hriamnam I tlaih in buainak tuah lo in ramkheel lei lam in buainak phisin ding in SAC an hruaitu Min Aung Hlaing nih a chim.

Tutan a chim mi hi dothlennak phu hna he cabuai cung biaruahnak a duhnak a si lai tiah a ruahdamh tu zong an um ko nain ramkheel lam in buainak phisin ding ti pin ah zei dang zeitindah kan tuah lai timi fiang hlang in a langhter mi a um lo.

 

Hi kong a chim lio ah Kaya ramkulh ah dothlennak a tuah mi KNDF le Rakhine hriamtlai AA kong a hlei khun in a chim. Hi SAC an ralbawi Min Aung Hlaing nih dothlennak a tuah mi phu a tei ti hna lo caah ramkheel lam in biaruahnak a sawm hna zong a si kho tiah an chim.  Asinain, kawl ralkap nih an rian dot thum (doh tawun a yee 3) le 2008 phunghrampi hrawh cu a duh bak lo nak kong zong a chim chap. Hriamtlaihnak lawng nan tuah peng ahcun ram mi lawng nih harnak an tuar lai cucaah hriamnam chia in biaruahnak tuah ding in kan sawm hna nak a si tiah a chim chap.

Be the first to comment

Leave a Reply

Your email address will not be published.


*