Mawlamyiang gyun ah thapcelhnak pawl cu kawl ralkap nih phaisa an hal hna I tuah nak nawl an pek hna

Ayeyarwaddy ramthen Mawlamying gyun hmun ah a um mi thapcelhnak a tuah mi hna pawl cu Kawl ralkap nih phaisa an hal hna I kawl ralkap nih hal zat phaisa a pe kho mi cu thapcelhnak rian cu zalong tein an tuan kho tiah kan theih.

Kawl ralkap nih phung ning lo in thapcelhnak a tuah mi hna hi an mah caah phaisa kawlnak pakhat bantuk in an hman.  Zarhkhat ah sing 10 in an hal hna I a pe kho mi cu zalong tein thapcelhnak rian an tuan kho tiah kan theih.

Hlan ahcun bantuk a rak tuah mi cu an tlaih tawn hna. Tutan cu palek le ralkap bawi kha phaisa an pek hna caah tlaih khih zong a um lo zalong tein phung ning lo rian an tuan ko tiah naihniam um mi nih a chim. Kawl ralkap nih tlaih cu chim lo an phaisa hmuhnak a si caah hi rian a tuan tu hna pawl an himnak tu an tuah piak lehlam hna tiah a chim chap. Mah bantuk thapcelhnak nih hin ram mi sifahnak lawng te a rak chuah pi caah an khap mi a si. Hi khap mi thil hi kawl ralkap nih phaisa a pe kho mi poh cu zalong tein an tuah ter hna hi a si.