Mindat ah kahdohnak a um, kawl ralkap 2 an thi

Chin ramkulh thlanglei Mindat khua ah kawl ralkap le CDF-Mindat kahdohnak an um I kawl ralkap lei minung 2 an thi, mizapi lei in minung 1 hliamhma a pu tiah kan theih.

December 4 chun suimilam 1 tluk ah Mindat khua chung Post Office pawng ah hmun a khuar mi kawl ralkap le CDF-Mindat commando ralkap an I tong I kahdohnak a um hi a si. Minutes 20 tluk kahdohnak a um hnu ah kawl ralkap 1 a thi I minung 6 an I hliam. A hliam mi pawl an thlop bul hna lio ah CDF-Mindat nih an kah hna I kawl ralkap 1 a thi chap tiah an chim.

 

Kahdohnak a dih hnu ah kawl ralkap nih an ruahdamh in mizapi umnak lei ah bomb in an kah I khuami minung pakhat a ban ah a khen I hliamhma a tuar tiah kan theih. Cu pin ah lo in a hong tlung mi khua mi pakhat zong kawl ralkap nih an tuk velh hnu ah an tlaih beh tiah kan theih. Cu pin ah MIndat ah kawl ralhrang an umnak lei in khuachung lei ah hriamngan in voi 30 leng an kah tiah kan theih.

Be the first to comment

Leave a Reply

Your email address will not be published.


*