Rakhine hrambunh media nih ca an tial mi comment le share a tuah tu cu dantat nan si lai tiah SAC nih an chim

Rakhine ramkulh ah kawl ralkap le Rakhine hriamtlai AA karlak ah kahdohnak a hong fah hnu in kawl ralkap nih a phun phun in phihkhamnak an hong tuah. December 5 zong ah Rakhine hrambunh mi media nih ca an tar mi le thawngpang an thanh mi poh a like tu, comment a pe tu, a share tu vialte cu dantat an si lai tiah Rakhine ramkulh SAC cozah nih an thanh.

 

Rakhine ramkulh  hram a bunh mi Media cheukhat zong an zung an phih piak hna pin ah thawng la tu reporter hna zong thong an rak thlak hna. Cu bantuk in cheukhat media zong tlaih ding in an kawl hna. A tu cu facebook ah Rakhine hram bunh mi media nih an tar  mi tha a pe tu tiang in tlaih ding in mi an ngiat cang tiah kan theih.

 

Rakhine ramkulh ah kawl ralkap nih phih kharnak phun tam pi an tuah. Rakhine ah a lut ding motor vialte an phih dih. NGO le INGO vialte zong an phih dih. Media lei zong atu bantuk tiang in phih kharnak an hong tuah hi a si. Rakhine ramkulh hmuncheukhat ahcun phone line le internet line an phih tiah kan theih.

Be the first to comment

Leave a Reply

Your email address will not be published.


*