Rakhine ram Maung Taw khua ah nau a pawi mi nu tel mi khuami 4 hliamhma an pu

Rakhine ramkulh Maungtaw peng  Shweyiaye khua ah December 4 zan lei suimilam 7 ah hriamngan a tlak caah nau a pawi lio mi tel in khuami minung 4 cu hliamhma an pu tiah kan theih.

 

Rakhine ramkulh ah kawl ralkap le Rakhine hriamtlai AA karlak ah kahdohnak a daih hnu ah November 13 thok in kahdohnak an thok than caah Rakhine ram ah ralzam an karh ngai pin ah Rakhine ramkulh cu a him lo taktak cang tiah kan theih.  Bomb in a hliam mi cu nau a pawi nak thla kua a si mi nu le an pa cun a tu pa te zong hliamhma a tuar mi ah aa tel ve tiah kan theih.

 

Mah bomb hi kawl ralkap kuttang ah a um mi BGF nih an kah mi a si. ShweYiaye khua hi kahdohnak zong a um lo. Ram mi cung ah zawnruahnak ngei lo in an kut cung um mi hraim ngan an kah caah a tu bantuk in khua mi minung 4 an I hliam hi a si tiah khua mi nih an chim. Hi khua hi minung 800 hrawng nih khua an sak nak khua a si tiah kan theih.

Be the first to comment

Leave a Reply

Your email address will not be published.


*