SAC hrauitu nih Myanmar ram mi riantuan lo ruang ah kawl ram kan si a fah mi a si tiah a puh

SAC hrauitu Min Aung Hlaing nih Myanmar ram mi hna rian an tuan lo tuk caah Myanmar ram kan si a fah nakĀ  a si tiah SAC meeting an tuah lio ah a chim.

 

Hi meeting hi Kahdohnak ah kawl ralkap an sungh ngai cang hnu December 4 ah an tuah mi SAC meeting a si. Cu ahcun kahdohnak kong pin ah ramchung chawlehthalnak kong a chim lio ah kan ram cu ram mi riantuan ah kan tha a thu tiah a chim. ramdang in thil luh pi mi import lawng a tam i ramleng ah thil kuat mi export a tlawm caah chawlehthalnak cazin ah kan ram sifahnak a lang. thilri serchuahnak production lei ah ram mi nih rian i zuam in nan tuan cio ah cun kan rum ko lai tiah a chim chap.

 

kawl ralkap nih ram mi phaisa vial te an hman pin ah kawl ralbawi tampi nih rampi tangka in an rumnak ko bu ah ram mi cu kan si a fak pin ah ram pi zong chawlehthalnak ah hnu bik ah a um mi ram kan si. cu bantuk kong ah tuanvo a ngei bik tu ralbawi nih an palhnak hmu loin ram mi riantuan huam lo ruang ah sifahnak kan ton mi a si tiah a chim hi a si.

Be the first to comment

Leave a Reply

Your email address will not be published.


*