Sagiang ramthen Inntaw khua ah Cozah riantuan minung 102 nih CDM an tuah

Sagaing ramthen Inntaw khua ah kawl  ralkap kuttang ah rian a tuan rih mi hna pawl chung in minung 102 cu mizapi sin ah I fonh in CDM an tuah tiah kan theih. Inntaw khua ah a um mi zatlang uknak hruaitu hna le PDF hna nih Inntaw peng ah rian a tuan mi chung in CDM a tuah thar mi minung 102 an si, a tang rih mi zong nih December 23 a donghnak bik ni ah chia in CDM tuah cio ding in an thanh chap.

Inntaw khua bantuk in Sagaing ramthen chung Katha khua zong ah dothlennak phu hna forhfialnak thawng in cozah riantuan mi a za leng nih CDM an tuah ve tiah kan theih. Cu pin ah CDM a tuah mi riantuantu hna nih cozah lei he aa pehtlai mi hman rua catlap (documents) le a dang dang a herh mi cazin pawl zong NUG sin ah ap ding in an thanh chap.

Cun December 23 ni tiang ah dothlennak phu hna sin ah CDM tuah lo in rian a tuan rih mi hna cu upadi he aa tlak ning in taza cuai hnu ah dantat an si lai tiah an thanh chih.