Tu lio mino pawl lak ah a lar ngai mi K pop idol pawl i stage hnu lei i an taunbia part 1.

K pop idol tiah cun mino pawl lak ah a thei lomi an um hraw lai lo. Vawlei cung pumpuluk ah a min thang ngai mi group pawl a si mi BTS, BLACK PINK, TWICE, ITZY… timi band le a dang tampi zong kan theih cio ko hna lai. Mi thawng leng nih an concert ah kal an duh an kal i thazang an pek hna, mah bantuk in stage cung ah an perform mi pawl hi an lam dan, an hlasak dan in siseh palh sual nak um lo tein a tha bik in mipi sin piah kho ding in mi nih hmuh lonak stage hnu lei ah tampi I timhtauh nak an ngei. Zeitluk tiang in dah an i timhtuah nak ah an teimak ti cu mi tam deuh a bik in fan pawl nih cun theih cia si ko lai. Mah ban tuk in minthan nak an hmuh hlan an pah mi harnak pawl nih hin ni hin ni an dirhmun hi a phak ter hna tiah cun kan palh lai lo.

 

Trainee an si lio ah hin nikhat ah nazi 12 chung hi hlasak le lam cawn practice nak ah an caan an hman leng ah thlalkhat ah voikhat lengmang test an neih mi caah timhtauh nak ah caan tampi an i zuam fawn. Khat lei ah tha ba ngai in an practice nain an training zulh phung rules bantuk in an ei an din ah anmah duhning in khim lak in si loin khika i an pek mi hna leng cun ei khawh din khawh a si fawn lo. Cu leng ah mah industry i camera hmai um dan michawnh biak dan pawl zong hi biatak tein an cawnpiak hna ti si. A cheukhat cu mah an trainee life ah hin an in khawh lo ruang ah a laklawh in a chuak mi zong tampi an um thiam. Idol pawl I a interview zong ah an trainee lio caan kawng an chim ah an mitthli a tla theu tawn. An practice ter hna dan hi a har tak tak i an chimh mi hna a zul kho lomi tam deuh hi cu an lanhtak deuh hna ti hi source pawl in kan theih mi a si. Cun ramdang mi caah cun nikhat chung an practice leng ah korea holh zong hi tha tein an holh an tail khawh zong a hauh fawn caah an cawn chih. Lungthin in siseh thazang in siseh a bat tuk caah mah vial te hi an pah khawh i an ruk khua zong a cheukhat cu an i hliam an i hrawh sual ti zong hi an interview pawl in kan theih khawh mi a si. A tam deuh cu kum 15, 16 hrawng an si in an inn kal tak in border sawng bantuk in an um tik ah hin a caan ah cun hngakchia pakhat caah cun a har ngai mi a si fawn. Hi tluk in an i zuam ko nain zei tik ah dah mipi hmai ah kan chuah khawh lai ti hi a ho hmanh nih an I theih cia lo. A cheu cu kum khat kum hnih ah an perform kho I a cheu tu cu kum ruk kum sarih in kum hra tiang hmanh an um caah si an duh mi cung ah fek tein i tlaih peng khawh zong hi a fawi lo mi a si. Zei ban tuk lei a cawng mi kan si hmanh ah kan I tinh mi te kha thlau loin fek tein a dongh tiang kan i tlaih khawh ah cun ni khat khat ah cun kan hmuh khawh cio lai timi hi anmah idol pawl an nunnak ah hin a lang fawn.

Be the first to comment

Leave a Reply

Your email address will not be published.


*