Mipi hna thilri a si mi zeihmanh lakpiak lo ding in KNDF nih a kuttang ralkap pawl a chimh hna

Kahdohnak lio ah mipi umnak hmun ah hmunhma an lak lio ah mipi hna thilri tthimfa fakhat te hmanh lak lo, hrawh lo ding, kan mah kan miphun cu kan mah  nih kan kilven hna awk a si i kawl ralkap hna bantuk in mipi thilri hrawh, lak piak lo ding in KNDF an ralbawi zik a changtu nih a kuttang ralkap pawl cu a chimh hna.

“Kei ka ttih mi pakhat cu kahdohnak a um lio kan mah hruainak in raltuk kan kal lio ah mipi hna nih kawl ralkap an luh zong ah kan thil a rau, nan mah PDF pawl, KNDF pawl, KA pawl nan rak luh zong ah kan thil a tlau thiam a kan ti ah cun kum hnih le cheu chung kan I zuam mi le kan pekchanh mi vialte a laka a si dih ko la. Hihi fak piin cah kan duh hna. Hi bantuk in mipi thilri lak, hrawh piak cu hmang bak hlah uh. A tuah mi an um ah cun thlauh hna uh, an ngaih lo cun rak kan chim uh. Kan sik hna lai I an ngaih lo ah si ah cun sakhan an rak phak tik ah fak pin thong thlak, dothlennak phu chung in chuah thai tibantuk in dan kan tat hna lai” tiah KNDF ralkap bawizik changtu nih a ralkap hna sin ah a chim.

Hiti a chim dih hnu ah “MNDAA cung ah upat nak sang tuk ka pek hna. Zei ca tiah cun Tuluk ramri a si mi Chin ShweHaw khua kahdohnak lio ah khuami hna cu an I hruk lio mi an thil zuunkhat te he lawng an zaam nain an rak kir than tik ah an inn chung ummi thilri pakhat hmanh a tlau lo a mah ning ten a um dih i mipi hna zong nih MNDAA cung ah lawmhnak tampi an nei” tiah tahchunhnak a lak I a chim chap.

 

 

Be the first to comment

Leave a Reply

Your email address will not be published.


*