KyaukMae kawl ralkap sakhan kahdohnak ah TNLA nih palek 3 le kawl ralkap 2 an tlaih hna

Shan ramkulh chaklei, KyaukMee le ManTung peng ah hmun a khuarmi kawl ralkap sakhan hna cu TNLA nih an kah than hna I palek 3 le kawl ralkap minung 2 cu an hriamnam tling te he an tlaih hna I sakhan an lak mi dihlak 52 a si cang tiah TNLA nih a thanh.

KyaukMae peng kawl ralkap sakhan ngan bik cu December 7 zinglei suimilam 11:35 tluk ah PSLF/TNLA, MoeKok PDF phu komh hna nih an tuk I an lak. Cu sakhan um kawl ralkap minung 2, palek 3 cu an tlaih hna pin ah 60mm le 80mm hriamngan hna telh in kawl ralkap hriamnam (10) le an thilri hna cu an lak tiah kan theih khawh.

Cu bantuk thiam in Mantung kawl ralkap sakhan pakhat cu December 7 zaanlei suimilam 4:30 tluk ah PSLF/TNLA nih an tuk an lak. Atu sakhan a lak mi pahnih telh in 1027 kahdohnak ai thoknak October 27 thok in December 8 tiang TaAung ramkulh chung ah kawl ralkap sakhan 53 cu an lak khawh cang tiah TNLA nih a thanh.

 

Be the first to comment

Leave a Reply

Your email address will not be published.


*