Tlam tlin lo nak zei tluk tam hmanh seh zei tin ka pah chih khawh lai ti mi lung put tein nung

Har nak zei tluk tam hmanh seh zei tin ka inn khawh lai ti mi lung put te kha nei. Buai nak zei tluk tam hmanh seh law zei tin ka phisin khawh lai ti mi ruah chan bu tein in um .Minung ti mi cu harnak phun kip a tong hrim ding kan si. A ho hmanh a sin pi dih mi le tlamtlinh dih mi kan um hna lo. Pa khat hnu pakhat in kan tong peng ko lai.  Zei caah dah kan har nak lawng te kan ruah lai. Ral tha tein hmai lei tu kal ii zuam hna uh sih.

 

Na pawng ah a ho hmanh an um lo zong ah na tha chia hlah. Na chuah lio zong nang mah lawng na si ban tuk in na thih tik zong a ho hmanh nih kal pi khawh si hlei lo. A ho hmanh nih an in bawmh hna lo zong ah na lung fak hlah. A ho hmanh nang mah caah tiin a chuak mi an um hlei lo.

 

Kan nu le kan pa dah ti lo cun a ho hmanh zumh awk tlak an um lo. Tam deuh cu leng lei lawng an si ti cu kani fiang dih ko men Lai. Hmai  panh tein um peng ko. Kan mah hna a kan chuah tu le har nak a kan pe tu caah lung re theih pi ding si lo. Dawt nak le zawn ruah nak he mi kip nih anii tlak ve lo. Cu caah tam deuh cu aa khat mi pol um ti dih si ko. Mi dang palh kawl nak in nang mah le nang mah that ding kha Ii zuam deuh.

 

Vaw lei minung ti mi cu kan zia za kan ruah nak ho hmanh kani khat cio hna lo. A cheu cu sifak deuh mi hna khi zei hmanh an rel hna lo. Mi nei mi rum lawng khi tha te an chawn an bia hna. Nang mah le nang mah kha tha tein ii ruat ko. Mah ban tuk mi zawn ruah piak hmang lo mi kar lak ah tha tein khua ka sa kho ko lai tiah naa zum maw?

 

Ka sa kho lai lo ti naa theih ah cun hrial hna law mah tein nun khawh ii zuam. Na tuah kho ko timi an hmuh khawh ding in Ii zuam. Zei lei poah a si khawh chung tlamtling tu si ding in ii zuam. An sawi tu hna kar lak ah mit hmai tha na hmuh lai. Tuni thawk in ii thleng cang. Zei zong vial te na kut chung ah si ko. Vawlei cung harsat nak vial te kha pah khawh ii zuam.

Be the first to comment

Leave a Reply

Your email address will not be published.


*