Chin a huap in kal ah tlukruannak a um lo ti lengmang ttung i peng huap ah tlukruannak kong i theihter lo khi atu buainak khi a si

Hi bantuk fiang lawlaw in um hi a ttha. Kih ah kih lawlaw, sat ah sat lawlaw ahhin riantuan ning a fiang deuh.
CDF 20 dengmang chung ah bu 3 an si. Pengtlang (township) huap min an pu nain an huap kho lo. Cucu an lung a fahbiknak hrampi a si. Atu buainak hi peng (township) level buainak muisam kenter an i zuam nain a sining taktak zoh ah tlangthluan buainak ti awk tu ah ai rem deuh. Chin a huap in kal ah tlukruannak a um lo ti lengmang ttung i peng huap ah tlukruannak kong i theihter lo khi atu buainak khi a si. Township level in lungtlin zong ah a lungtling lomi tribes um tthiam tthiam ding a si. Zei lam i thim paoh ah buai thotho ding cu lam khat paoh fiang pup in i thim i a buai mi buai, ai fun mi i fun kha thil ttha cem a si ko.
Steve Job nih, “Aho paoh lunglawmhter/lungton nai zuam ding a si ahcun hruaitu ttuan i tim hlah. Ice cream tu zuar mei!” a ti. Lee Kuan Yew zong nih “hruaitu der (weak leader) nih cun aho paoh kha lunglawmhter/lungton ai zuam lai i rian vialte kha bangbat nelnul in a chiah hna lai. Hruaitu tthawng (strong leader) nih cun a dik tiah a ruahmi kha a nawr lai i mipi caah a ttha mi result kha hmuh ai zuam lai,” tiah a dodal tu pawl nih human rights le thil dangdang kong i an rak soisel lioah a rak ti hna.
Zapi caah a ttha lai timi Zumhnak a um ko ahcun Kum thum chung ah ai remh kho lomi thil pawl hi i tlaihter loin cohlan lawlaw i hmai nawr hi lam ttha bik a si ko lai dah. Atu bantuk I remh awk hlei a lam a um lomi buainak ruang i an dirhmun an langhter hi CC ca ah thil ttha deuh lehlam a si tiin ka ruah.

Be the first to comment

Leave a Reply

Your email address will not be published.


*