MinHla peng kawl ralkap gate cu an kah I kawl ralkap minung 3 an thi

December 8 zaan suimilam 8 tluk ah Bago ramthen, TharYarWadi pengkomh, MinHla peng, SanBoak khua pawng um kawl ralkap minung 15 tluk nih hmun an khuarnak gate cu dothlennak phu hna nih an kah I palek pakhat le kawl ralkap minung pahnih an zapi te minung pathum an thi, hliamhma tuar mi an tam tiah kan theih.

“Sakhan cu kan la manh lo, sakhan chung cu kan va phan ko. Sakhan chung um mi palek pakhat le kawl ralkap minung pahnih cu kan va kahthah ko hna. Hliamhma pu mi an tam. Bawmtu ding ah kawl ralkap minung 100 tluk an rak phak caah hnu kan pil than. Kan sakhan umnak lei tlang ah kaawl ralkap pawl an van raa I kahdohnak a um than kho men” tiah TharYarWadi PDF phu in tuanvo neitu pakhat nih a chim.

Cu kahdohnak cu TharYarWadi peng dothlennak phu hna nih an kah mi hna a si I kawl ralkap bawmtu an rak phak caah hliamhma pu mi loin in hnu an pil than kho. Kawl ralkap thilri a si mi handphone 2, dahmei 2, tangka kyat 20,000, Tehte ID card 7 le kuam 17 an lak khawh tiah kan theih chap.

 

Be the first to comment

Leave a Reply

Your email address will not be published.


*