December 8 ah United States of America, United Kingdom le Canada ram hna nih phihkharnak sanctions cu Kawl ralkap kuttang ah a um mi Border guard Force hruaitu Bohmu Saw Chit Thu le minung 9 cung ah an tuah tiah kan theih.
Nitlak lei ram hna nih kawl ralbawi pawl cu chawlehthalnak kong ah phih kharnak an rak tuah cang hna. Cu pin ah Kawl ralkap ah ralbawi lei rank sang mi tampi zong phihkharnak an rak tuah hna. Tutan zong ah kawl ralkap nih an hman bak mi hna ramri veng ralkap pawl cu sanction an tuah than hna tiah kan theih. kawl ralkap le a mithi milang pawl caah cun Nitlak lei ram ah zeibantuk ruahchannak hmanh an ngei kho ti lo. Tuluk le Russia ram lawng ah bochannak an ngei kho cang. Atubantuk in nitlak lei ram cozah nih sanctions an tuah mi nih kawl ralkap hruaitu pawl caah phaisa hmuh nak lam a pit deuh ngai pin ah vawleicung huap in tangka kuat le tawlrelnak ah hnahnoknak tampi an ton tiah kan theih.
Tutan ah Nitlak lei nih an phihkhar chap mi hna hi kawl ralkap caah phaisa tampi a kawl piak tu an si. Ralbawi an si pah bu in sipuazi tuah in a rum I ralkap cozah caah chawlehthalnak a thawn nakhnga aa zuam mi pawl an si.
This post has been incredibly helpful, like a guiding hand in a crowded room. The guidance is much appreciated.
The writing style had me at hello. Engaged from start to finish, just like a perfect first date.