Kutkai khua ah a um mi kawl ralkap 7 cu TNLA nih an nun bu in an tlaih hna

Shan ramkulh chaklei ah dothlennak phu hna nih kawl ralkap sakhan cu hmun kip ah an tuk peng rih. December thla chung ah Kutkai peng ah a um mi kawl ralkap 7 cu an nun bu in an tlaih hna I hriamnam tampi zong an lak khawh tiah kan theih.

 

December 11 zan lei suimilam 3 le cheu ah TNLA nih Kutkai khua ah a um mi kawl ralkap sakhan cu an sakhan ning in an lak khawh pin ah sakhan ah a um mi kawl ralkap zong an tlaih hna hi a si. Hruiamnam le kuan zong tampi an lak khawh tiah kan theih. an lak mi hriamnam ah hriamngan zong tel in meithal zuun 58 leng zong an lak khawh tiah kan theih.

 

Hi sakhan kahdohnak ah kawl ralkap vanlawng jet fighter in voi 4 reng lo bomb a hong thlak I kawl ralkap nih sakhan cu a rak bawmh hna. Vanlawng in bomb thlak ko bu ah sakhan ning pi in TNLA nih an lak khawh hi a si. December 11 ni lawng ah TNLA nih kawl ralkap sakhan 4 an lak chap tiah kan theih.

Be the first to comment

Leave a Reply

Your email address will not be published.


*