SAC Ralkap Le Pyituhsit Sakhan Cu TNLA Nih An Laak, Ralkap 7 An Tlaih Hna

Kutkhine Khuapi Chung SAC Ralkap Le Pyituhsit Sakhan Cu TNLA Nih An Laak, Ralkap 7 An Tlaih Hna tiah kan theih.
Shan ramkulh chaklei, Kutkhine khuapi chung SAC ralkap le Pyituhsit sakhan pakhat cu kan laak i hriamnam tam ngai zong kan laak khawh, tiah Ta’ang ralkap TNLA nih an thanh. Kutkhine khuapi, Myothit sang chung SAC ralkap le Pyituhsit sakhan cu nizan December 10, zan suimilam 8:30 ah PSLF/TNLA nih luhhnawh in an kah i an laak. Cu sakhan kahdohnak ah cun ralkap 7 an tlaih hna, hriamnam phun 58 le ralkap hmanmi thilri zong an laak khawh.
“Kaphnih kar kahdohnak a chuah hnu ah ralkap pawl cu an zaam i sakhan cu fawi tein kan laak khawhnak a si. Nizan zong Namsan lei ah sakhan 3 kan laak khawh, Manton sakhan cu kan kah lio a si,” tiah TNLA chimnak nawlngei pakhat nih a chim.
Kutkhine khuapi ralkap sakhan telh in 1027 Operation kalpi hnu ah sakhan 55 nak tlawm lo TNLA nih an laak cang.

2 Comments

Leave a Reply

Your email address will not be published.


*