Dawei watch media ah rian a tuan tu minung pahnih cu kawl ralkap nih an tlaih hna

Kawl ralkap nih Taningthari ramthen ah hram a bunh mi Dawei watch media ah thawngzamhnak catial rian a tuah mi minung 2 cu an inn ah December 13 ah an tlaih hna tiah kan theih.

Kawl ralkap nih uknak an lak le cangka kawlram pumpi ah a um mi thawngzamhnak zalonnak zong hramhram in an kan chuh dih. Kawlram ah phung ning tein media register a ngei mi company tampi cu an register number an hnon piak hna. Kawl ram ah a ngan mi Myanmar now, Khit thit media le The Irrawaddy tibantuk pin ah media ngan mi tampi cu kawl ram ah zung ong ngam lo in ram ri le ram innpa Thailand le ramdang dang hna ah zung I thial in ram mi caah thawngzamhnak cu an tuah peng rih thiamthiam. Cu bantuk in a cheukhat media cu an tuan thing nak hmun ah pehtlai in thawngzamhnak rian an tuan. Cubantuk in a tuan mi hna chung in Dawei watch media ah rian a tuan mi minung 2 cu tuni ah an tlaih hna hi a si. Cu lawng si loin Rakhine ramkulh ah hram a bunh mi media zong kawl ralkap nih fak piin phih khar nak a tuah hna tiah kan theih.

Be the first to comment

Leave a Reply

Your email address will not be published.


*